Establishment of Lokayukta

Establishment of Lokayukta. (1) Is adhiniyam ke prayojanarth "Lokayukta" gyat naam se ek sanstha ki sthapana ki jayegi. (2) Lokayukta nimnalikhit se sanrachit hoga- (k) Ek adhyaksh, jo uchch nyayalaya ka mukhya nyayadhish hai ya raha hai ya uchch nyayalaya ka nyayadhish hai ya raha hai ya koi aisa vikhyaat vyakti, jo updhara (3) ke khand (kh) mein vinirdisht patrata ko poora karta hai; aur (kh) utne sadasya, jo char se adhik nahi honge jinmein se pachaas pratishat nyayik sadasya honge: parantu lokayukta ke sadasyon mein se nyuntam 50 pratishat sadasya anusuchit jaatiyon, anusuchit janjatiyon, anya pichde vargon, alpsankhyak vargon se sambaddh vyaktiyon aur mahilaon mein se honge. (3) Koi vyakti- (k) kisi nyayik sadasya ke roop mein niyukt kiye jaane ke liye patra hoga, yadi vah uchch nyayalaya ka nyayadhish hai ya raha hai. parantu yah aur ki nyayik sadasya ke roop mein niyukt kiye jaane ke liye patra hoga yadi vah bharat ke samvidhan ke anuchchhed 217 ke khand 2 (k) ke antargat uchch nyayalaya ke nyayadhish banne ki arhata rakhta ho, uttarakhand uchch nyayalaya se prapt naamon ki suchi(panel) se ; (kh) nyayik sadasya se bhinn kisi sadasya ke roop mein niyukt kiye jaane ke liye patra hoga, yadi vah nirdosh satyanishtha aur utkrisht yogyata aur pratishtha vala aisa vyakti hai, jiske paas bhrashtachar virodhi niti, lok prashasan, satarkata, vitt, jiske antargat beema aur bankari bhi hai, vidhi aur prabandhan se sambandhit vishayon mein vishesh gyan aur pachis varsh se anyun ki visheshagyata hai. (4) Adhyaksh ya koi sadasya- (ek) sansad ka koi sadasya ya kisi rajya ya sangh rajyakshetra ke vidhan-mandal ka koi sadasya nahi hoga, (do) naitik adhamata vale kisi apradh ka doshsiddh koi vyakti nahi hoga, (teen) yathasthit, adhyaksh ya sadasya ke roop mein pad grahan karne ki tarikh ko paintalis varsh se kam ayu ka koi vyakti nahi hoga; (char) kisi panchayat ya nagarpalika ka koi sadasya nahi hoga; (panch) aisa koi vyakti nahi hoga, jise sangh ya kisi rajya ki seva se hata diya gaya hai ya padchyut kar diya gaya hai, aur vah vishwas ya labh ka koi pad (adhyaksh ya sadasya ke roop mein uske pad se bhinn) dharan nahi karega ya kisi rajnaitik dal se sahbaddh nahi hoga ya koi karobar nahi karega ya koi vritti nahi karega aur tadnusar apna padgrahan karne se purv, yathasthit adhyaksh ya kisi sadasya ke roop mein niyukt koi vyakti, yadi-- (k) vah vishwas ya labh ka koi pad dharan karta hai to aise pad se tyagpatra dega; ya (kh) vah koi karobar kar raha hai, to aise karobar ke sanchalan aur prabandhan se apna sambandh samapt kar dega; ya (g) vah koi vritti kar raha hai, to aisa vritti nahi karega.