Paribhashayein

Is adhiniyam mein, jab tak ki sandarbh se anyatha apekshit na ho: (1) "Varshik mulya" se nimnalikhit abhipret hai: (i) tat-samay kisi bhumi par nirdharit bhu-rajrajas ka doguna, chahe nirdharan udgrahya ho ya nahi; ya (ii) jahan bhu-rajasth sthayi roop se nirdharit kiya gaya hai ya uska purnatah ya bhagatah prashaman ya mokshan kiya gaya hai, wahan us rakam ka doguna jo udgrahya hoti, yadi aisa sthayi nirdharan, prashaman ya mokshan na kiya gaya hota; ya (iii) jahan bhu-rajrajas nirdharit nahi kiya gaya hai wahan us rakam ka doguna jo nirdharit ki gayi hoti, yadi ausat gram ret lagu kiya gaya hota: parantu tat-samay pravritt bandobast ke adheen kisi aise bhu-bhag mein, jahan nahron ki sinchai se hue bhumi sudhar ko bhu-rajrajas ke nirdharan mein ganana se apvarjit kiya gaya hai aur aise sudhar ki babat ret adhikaropit kiya gaya hai, wahan varshik mulya ki sanganna ke prayojan ke liye wah ret bhu-rajrajas mein joda jayega. (2) "Pichde varg" se anusuchit jati aur anusuchit janjati se bhinn aise varg abhipret hain jinki niyuktiyon ya padon ke arakshan ke prayojan se pehchan ki jaye aur adhisuchit kiye jaye. (3) "Khand" se jile ka aisa kshetra hai jo sarkar dwara, khand ke roop mein, adhisuchna dwara, ghoshit kiya jaye. (4) "Imarat" se koi dukan, grih, up-grih, jhompdi, chhappar, ya pashushala abhipret hai chahe wah manav niwas ke liye ya kisi anya prayojan ke liye prayukt ki jati ho aur chahe wah patthar, kankreet, eent, mesanri, lakdi, gajara, ghas-phoos, dhatu ki ho ya kisi anya samagri ki chahe jo bhi ho aur uske antargat deewar bhi hai. (5) "Up-vidhiya" se is adhiniyam ke adheen panchayat dwara banayi gayi up-vidhiya abhipret hain aur rajya sarkar dwara dhara 188 ke adheen virachit adarsh up-vidhiya iske antargat hain. (6) "Mamla" se gram panchayat dwara vichar-niya kisi apradh ki babat dandik karyawahiya abhipret hai. (6-ka) "Pashu" se paltoo pashu abhipret hai aur iske antargat hathi, oont, bhainsen, gayen, bail, ghode, ghodiya, khassi, tattu, bachde, bachdiya, khachchar, gadhe, suar, medhe, bhed-en, mesh, mee-ne, bakriya, aur bakriyon ke bachche bhi hain. (7) "Gram Sabha" ya "Gram Panchayat" ke sandarbh mein "Collector" "Magistrate" athva "Up-nyayadhish" se us jile ya up-mandal ka, jismein aisi sabha ya gram panchayat gathit ki gayi hai, yathasthiti, Collector, nyayik Magistrate ya Up-nyayadhish abhipret hai. (8) "Parivad" se is adhiniyam ke adhyay-4 ke adheen gram panchayat dwara karwai kiye jane ki drishti se maukhik ya likhit roop mein usse kiye gaye wah abhikathan abhipret hai ki kisi vyakti ne, chahe wah gyat ho ya agyat, apradh kiya hai. (9) "Shamlat bhumi" se aisi bhumi abhipret hai jo kisi vyakti ke ananya upyog mein nahi hai, aur pratha, rudhi, chirbhog, ya vidhi dwara gram samaj ke samanya prayojanon ke liye aarakshit ki gayi hai ya aise prayojanon ke liye arjit ki gayi hai. (10) "Degree", "Degree-dhari", "Ninirnit rini" aur "Vidhik pratinidhi" ke wahi arth honge jo Civil Prakriya Samhita, 1908 (1908 ka 5) ki dhara 2 mein unke hain. (11) "Upayukt" se kisi jile ka Upayukt abhipret hai aur sarkar dwara is adhiniyam ke adheen Upayukt ke krityon ka palan karne ke liye vishesh roop se niyukt koi vyakti bhi iske antargat hai: parantu aisa adhikari kisi bhi aise kriti ka palan nahi karega jiski babat is adhiniyam ke adheen Upayukt ka vinishchay antim hai. (11-ka) "Mandal Ayukt" se mandal ka Mandal Ayukt abhipret hai aur iske antargat rajya sarkar dwara Mandal Ayukt ke krityon ka palan karne ke liye vishesh roop se niyukt koi adhikari hai. (12) "Nideshak" se is adhiniyam ke adheen niyukt kiya gaya nideshak, Panchayati Raj, abhipret hai aur sarkar dwara nideshak ke krityon ka palan karne ke liye, is adhiniyam ke adheen vishesh roop se niyukt kiya gaya koi adhikari, iske antargat hai. (13) "Jila" se rajasva jila abhipret hai. (13-ka) "Mukhya Karyakari Adhikari" se is adhiniyam ki dhara 134 ke adheen niyukt panchayat samiti ya zila parishad ka mukhya karyakari adhikari abhipret hai. (13-ka) "Kutumb" se, ek hi purvaj se avtarit, dattak grahan sahit, sabhi sadasyon ka avibhajit kutumb, abhipret hai jo gram panchayat ke parivar register mein yatha darshit, sthayi roop se ek sath niwas, pooja tatha bhojan karta hai. (13-kha) "Vittayukt" se Himachal Pradesh sarkar ka vittayukt (Apil) abhipret hai. (14) "Sarkar" ya "Rajya Sarkar" se Himachal Pradesh sarkar abhipret hai. (15) "Gram Panchayat" se is adhiniyam ki dhara 8 ke adheen sthapit gram sabha ki karyakarini samiti abhipret hai. (16) "Gram Sabha" ya "Sabha" se is adhiniyam ki dhara 4 ke adheen sthapit gram sabha abhipret hai aur "Sabha kshetra" se is adhiniyam ki dhara 3 ke adheen "Sabha kshetra" ke roop mein ghoshit kshetra, abhipret hain. (17) "Bhumi" se bhu-rajasth ke liye nirdharit bhumi abhipret hai aur iske antargat aisi bhumi bhi hai jiske bhu-rajasth ka purnatah ya bhagatah nirmochan, prashaman, mokshan, ya saunadesh kiya gaya hai. (18) "Bhu-dharak" se bhumi par nirdharit bhu-rajasth ka, yadi koi ho, sanday karne ke liye uttar-dayi vyakti abhipret hai aur iske antargat aisi bhumi ka sotrodharak bhi hai jiske bhu-rajasth ka purnatah ya bhagatah nirmochan, prashaman, mokshan ya saunadesh kiya gaya hai. (19) "Bhu-rajasth" ke antargat sarkari bhumi par charan ke liye udgrihit tirni ya deya charpagahagiri hai. (19-ka) "Mahila Gram Sabha" se is adhiniyam ki dhara 5-kha ke adheen gathit Mahila Gram Sabha abhipret hai. (20) "Sadasya" se, yathasthiti, gram panchayat, gram sabha, panchayat samiti ya zila parishad ka sadasya abhipret hai. (21) "Nagarpalika" se Bharat ke samvidhan ke anuchched 243-th ke adheen gathit swayatt shasan sanstha, abhipret hai aur Chhawni Adhiniyam, 1924 (1924 ka 2) ke adheen sthapit Chhawni Board iske antargat hai. (21-ka) "Nikat sambandhi" se aisa koi vyakti abhipret hai, jo panchayat ke padadhikari se sambandhit hai jiske antargat pita, mata, dada, dadi, patni, pati, sasur, saas, mama ya chacha, putra, prapautra, putri, prapautri, damad, putra-vadhu, bhai, sala, bhatija, bhatiji, bahan ya bahan ka pati bhi hai. (22) "Apradh", "jamanati apradh", "ajamanati apradh", "sangeya apradh", "Police thana ka prabhari adhikari" aur "Police thana" ke wohi arth honge jo Dand Prakriya Samhita, 1973 (1974 ka 2) ki dhara 2 mein unke hain. (23) "Padadhikari" se yathasthiti, gram panchayat ka sadasya, pradhan ya up-pradhan aur panchayat samiti ya zila parishad ka sadasya, adhyaksh ya upadhyaksh abhipret hai. (24) "Shashkiya Rajpatra" ya "Rajpatra" se Himachal Pradesh ka rajpatra abhipret hai. (25) "Panch" se is adhiniyam ke adheen panchayat ke nyayik krityon ka nirvahan karte samay, gram panchayat ka sadasya abhipret hai aur iske antargat pradhan ya up-pradhan bhi hai. (26) "Panchayat" se, yathasthiti, gram panchayat, panchayat samiti ya zila parishad, abhipret hai. (27) "Panchayat van" se aisa van abhipret hai, jo rajya sarkar dwara is nimitt jari ki gayi adhisuchna dwara is roop mein ghoshit kiya gaya hai. (27-ka) "Panchayat Sahayak" se is adhiniyam ke adheen gram panchayat ke sachiv ke krityon ka anupalan karne hetu, yathasthiti, panchayat dwara dhara 135 ke adheen panchayat sahayak ke roop mein niyukt koi vyakti rajya sarkar dwara dhara 136 ke adheen prati-niyukt koi padadhari abhipret hai. (28) "Panchayat Samiti" se is adhiniyam ki dhara 78 ke adheen gathit aur khand kshetra par adhikariyata rakhne wali panchayat samiti abhipret hai. (29) "Jansankhya" se antim purvavarti jankanna mein abhifinishchit jansankhya, jiske sulsangat aankde prakashit kar diye gaye hain, abhipret hai. (30) "Vidhit" se is adhiniyam ya tadadheen banaye gaye niyamon dwara vidhit abhipret hai. (31) "Vidhit pradhikari" se sarkar dwara is roop mein adhisuchit pradhikari abhipret hai. (32) "Karyawahiya" se gram panchayat dwara vichar-niya rajasva mamla abhipret hai. (33) "Sarvajanik sthan" se aisa sthal abhipret hai, jo kisi ki niji sampatti nahi hai aur jo janta ke upyog ya upbhog ke liye khula hai, chahe aisa sthal panchayat mein nihit hai ya nahi. (34) "Lok marg" se koi aisi sadak, marg, pul, gali, chauk, prangan, pagdandi ya path abhipret hai jis par janta ko aane-jane ka adhikar hai aur iske antargat donon or ki naliya ya parunale aur uske sath lagti ghui kisi sampatti ki parifirshit seema tak ki bhumi bhi hai, chahe aisi bhumi par koi baramda ya anya adhisanchrachna bhi kyon na badha di ho. (35) "Lok sevak" se, Bharatiya Dand Samhita, 1860 (1860 ka 45) ki dhara 21 mein yatha paribhashit lok sevak, abhipret hai. (36) "Anusuchi" se, is adhiniyam se salagna anusuchi, abhipret hai. (37) "Anusuchit kshetra" se Bharat ke samvidhan ke anuchched 244 ke khand (1) ke prayojan ke liye Himachal Pradesh rajya mein Bharat ke samvidhan ki panchvi anusuchi ke paira 6 ke adheen adhisuchit kshetra ke roop mein vinirdishth aur ghoshit kshetra, abhipret hai.