Constitution of Special Courts

(1) Kisi dakaiti aur vyapaharan prabhavit kshetra mein kiye gaye vinirdisht aparadhon ke shighra vicharan ke liye upbandh karne ke prayojon ke liye, rajya sarkar uchch nyayalaya se paramarsh karke, itne vishesh nyayalayon ka gathan kar sakegi jitne ki aise dakaiti aur vyapaharan prabhavit kshetra ya kshetron mein ya uske/unke sambandh mein aavashyak ho aur jo adhisuchna mein vinirdisht kiye jayen. (1-K) Jahan kisi dakaiti aur vyapaharan prabhavit kshetra ya kshetron ke liye do ya adhik vishesh nyayalaya gathit kiye gaye hon, wahan rajya sarkar, uchch nyayalaya se paramarsh karke, sadharan ya vishesh aadesh dwara, unke beech karya vitran ka, jiske antargat prati-preshan ki shakti aati hai viniyam kar sakega. (2) Vishesh nyayalaya ekal nyayadhish se gathit hoga jo, rajya sarkar dwara anurodh kiya jane par, uchch nyayalayon dwara niyukt kiya jayega. Spashtikaran - Is updhara mein, shabd 'niyukt' ka vahi arth hoga jo ki use Sahita ki dhara 9 ke spashtikaran mein diya gaya hai. (3) Koi vyakti vishesh nyayalaya ke nyayadhish ke roop mein niyukt kiye jane ke liye tab tak arhat nahin hoga jab tak ki vah Sahita ke adheen sevarat satra nyayadhish ya apar satra nyayadhish na ho. (4) Kisi vishesh nyayadhish ke chhutti par hone ke karan uske anupastit rahne athva rugnata ke karan ya anya karan se apne kartavyon ka anupalan karne se nivarit ho jane ki dasha mein, satra khand mein ke apar satra nyayadhishon mein se koi bhi ek apar satra nyayadhish, jise satra nyayadhish dwara is nimitt nirdisht kiya jaye, us samay tak jab tak ki aisa vishesh nyayadhish apne kartavyon ko purvagrahit na kar le, us aapati mamlon ko niptayega jo vishesh nyayadhish ke samaksh ayen aur is prayojon ke liye, is prakar nirdisht kiye gaye apar satra nyayadhish ko, is adhiniyam mein antvishth kisi gyat ke hi, vishesh nyayadhish samjha jayega.