Vishwavidyalaya ki shaktiyan aur kartavya

Vishwavidyalaya ki shaktiyan aur kartavya nimnavat honge, arthat: (1) Gyan ki aisi shakhao mein jinhein vishwavidyalaya uchit samjhe, adhunik vishayon par vishesh lakshya rakhte hue jisse ve pratyek aise kshetra mein utkrishthata ka kendra ban sake, anudeshan ke liye bandh karna aur gyan ke unnayan aur prasar ke liye anusandhan ki vyavastha karna; (2) Upadhiyon, diplomaon tatha anya shaikshik vishishtataon ko sansthit karna; (3) Pariniyamon ke bandhon ke anusar sankay, school tatha aise anya shaikshik nikay sthapit karna; (4) Parikshayen ayojit karna tatha aise vyaktiyon ko jinhone vishwavidyalaya ya iske sansthan/parisar mein adhyayan, pariksha aur/ya anusandhan ka vidhik pathyakram safaltapurvak poorn kar liya ho, upadhiyan, diploma aur anya shaikshik vishishtataon antatah pradan karna; (5) Pariniyamon mein adhikathit reeti se aur sharton ke adheen maan upadhiyan ya anya shaikshik vishishtataen pradan karna; (6) Anya vishwavidyalayon, rashtriya prayogshalaon aur pradhikariyon se aisi reeti mein tatha aise prayojanon ke liye jinhein vishwavidyalaya avadharit kare, sahkary evam sahyog karna; (7) Vishwavidyalaya dwara apekshit shikshakon ke pad srijit karna aur aise padon par vyaktiyon ki niyukti karna; (8) Aachar sanhita aur anya avashyak upay adhikathit karke vishwavidyalaya aur uski sansthao ke chhatron aur karmachariyon ke madhya anushasan viniyamit aur use prabhavi banana; (9) Pariniyamon aur adhyadeshon ke anusar adhyetavrittiyan, adhyayan vrittiyan, chhatravrittiyan (yatra shodh chhatravritti sahit) tatha puraskar sansthit evam pradan karna; (10) Vishwavidyalaya ya uske sansthanon/parisaron ke chhatron ke liye chhatravas sthapit karna aur unka anurakshan karna aur niwas sthanon ko manyata dena; (11) Aisi fees aur anya prabhar ki maang aur prapt karna jaisa pariniyam dwara niyat kiya jaye; (12) Vishwavidyalaya ya uske sansthanon/parisaron ke aawason ka paryavekshan aur niyantran tatha chhatron ke anushasan ko viniyamit karna tatha unke swasthya ke samvardhan ke liye vyavastha karna; (13) Prashasnik, lipikiya, evam anya avashyak padon ka srijan aur un par niyukti karna; (14) Anusandhan aur design pariyojnaon par aadharit paramarsh ke dwara sansadhano ka arjan karna aur apni aasthiyon tatha sansadhano ko badhane o utpadak upyog ke liye bandh karna; aur (15) Vishwavidyalaya ke uddeshyon ko agrasarit karne ke liye yathapekshit aise sabhi anya karya karna chahe ve purvokt shaktiyon ke anushangik ho ya na ho.