Kuladhipati

(1) Rajyapal vishwavidyalaya ke kuladhipati honge. (2) Kuladhipati, jab upasthit hon, to upadhiyon aur diploma pradan karne ke liye vishwavidyalaya ke deekshant samaroh ki adhyakshata karega. (3) Kuladhipati vishwavidyalaya ke kisi karya se sambandhit aisi soochana mang sakega tatha us par aise nirdesh jaari kar sakega jo vah vishwavidyalaya ke hit mein theek samjhe aur vishwavidyalaya ke pradhikari tatha adhikari aise nirdeshon ka anupalan karenge. (4) Maan upadhi ya vishishtata pradan karne ka pratyek prastav kuladhipati ke anumodan ke adheen hoga. (5) Kuladhipati samay-samay par vishwavidyalaya ki pragati aur karya ke punarvilokan ke liye, ek ya ek se adhik vyaktiyon ko niyukt kar sakega jo us par apni report prastut karenge, aur us report ke prapt hone par kuladhipati us par Kary parishad se vichaar prapt karne ke pashchat aisi karyawahi kar sakega tatha aise nirdesh jaari kar sakega jo vah report mein vyahrt kisi mamle ke sambandh mein avashyak samjhe aur vishwavidyalaya aise nirdeshon ke anupalan ke liye badhya hoga. (6) Kuladhipati ko aise vyakti ya vyaktiyon dwara, jinhein vah nirdesh de, vishwavidyalaya uske bhavanon, prayogshalaon aur upkaran ka tatha vishwavidyalaya dwara anurakshit kisi sanstha ka aur vishwavidyalaya dwara sanchalit parikshaon, adhyapan aur kiye ja rahe anya karyon ka bhi nirikshan karwane ka tatha vishwavidyalaya se sambandh kisi mamle bator ki jaane wali jaanch karwane ka bhi adhikhar hoga. (7) Kuladhipati pratyek mamle mein nirikshan ya jaanch karwane ke apne aashay ki soochana dega aur vishwavidyalaya apna pratinidhi niyukt karne ka hakdar hoga jise aise nirikshan evam jaanch mein upasthit rahne o sune jaane ka adhikhar hoga. (8) Kuladhipati, Kulpati ko aise nirikshan aur jaanch ke parinam sandarbhit karega aur Kulpati Kary parishad ko kuladhipati dwara diye gaye aise paramarsh evam us par ki gayi karyawahi sahit unke aashay se avgat karayega. (9) Kary parishad Kulpati ke madhyam se kuladhipati ko aisi karyawahi yadi koi hai jo vah aise nirikshan ki jaanch ke parinamswaroop karne ki prasthapna karta hai ya jo ki gayi hai, sansoochit karegi. (10) Jab Kary parishad samuchit samay ke andar kuladhipati ke samadhan roop mein karyawahi nahi karti hai to kuladhipati, Kary parishad dwara prastut spashtikaran ya pratyavedan par vichaar karne ke pashchat aise nirdesh jaisa vah theek samjhein, de sakega aur Kary parishad aise nirdeshon ka palan karne ke liye badhya hogi. (11) Kuladhipati likhit aadesh dwara vishwavidyalaya ki kisi karyawahi ko akrit kar sakega jo is adhiniyam, pariniyamon ya adhyadeshon ke anuroop nahi hai.