The Madhya Pradesh Niji Vyasayik Shikshan Sanstha (Pravesh Ka Viniyaman Evam Shulk Ka Nirdharan) Adhyadesh 2007

(1) Is adhyadesh ka sankshipt nam Madhya Pradesh Niji Vyavsayik Shikshan Sanstha (Pravesh Ka Viniyaman Evam Shulk Ka Nirdharan) Adhyadesh, 2007 hai. (2) Iska vistar sampurn Madhya Pradesh rajya par hai. (3) Yah iske rajpatra mein prakashan ki tarikh se pravritt hoga.

Yah adhyadesh nimn par laghu hoga: (ka) Kendriya ya rajya sarkar dwara samprotarit tatha poshit sansthaon se bhinn vishwavidyalaya samjhi jane wali sansthaen ya unki sangathak ikaiyaan jo vyavsayik shiksha de rahi hain; aur (kha) kisi kendriya ya Madhya Pradesh adhiniyam ke adhin sthapit kiye gaye kisi vishwavidyalaya se sanlagna sahayata na pane wali niji vyavsayik shikshan sansthaen.

Is adhyadesh mein, jab tak ki sandarbh se anyatha apekshit na ho: (ka) "Samuchit Pradhikari" se abhipret hai vyavsayik shiksha ke mankon ko sunishchit karne hetu mapdandon aur sharton ko adhikathit karne ke liye kendriya ya rajya sarkar dwara sthapit kendriya ya rajya pradhikari; (kha) "Capitation Fee" se abhipret hai, is adhyadesh ke adhin avadharit fees ke atirikt, koi bhi rakam, jo ya to nagad mein ya vastu ke roop mein, pratyaksh roop se ya apratyaksh roop se sandatt ya sangrahit ya prapt ki gayi ho, chahe vah kisi bhi nam se gyat ho; (ga) "Samiti" se abhipret hai dhara 4 ke adhin gathit Pravesh Tatha Fees Viniyamak Samiti; (gha) "Samanya Pravesh Pariksha" se abhipret hai rajya sarkar dwara ya uske dwara pradhikrit kisi abhikaran dwara ekaki khidki pranali ke madhyam se vyavsayik mahavidyalayon ya sansthaon mein gunagun adharit pravesh ke prayojan ke liye kendrikrit paramarsh dwara anusrit abhyarthiyon ke gunagun ke liye sanchalit koi pravesh pariksha; (anga) "Fees" se abhipret hai shikshan fees sahit samast fees tatha vikas prabhar; (cha) "Videshi Abhyarthi" se abhipret hai videshi passport dharan karne wala koi vyakti jo Madhya Pradesh mein vyavsayik shiksha de rahe kisi deemed vishwavidyalaya mein ya sahayata na pane wale kisi niji vyavsayik sanstha mein pravesh chahta hai; (chha) "Prabandhan" se abhipret hai sahayata na pane wali kisi niji vyavsayik shikshan sanstha ka prabandhan tatha niyantran karne wala koi vyakti ya nikay, chahe vah kisi bhi nam se gyat ho; (ja) "Alpasankhyak" se abhipret hai rashtriya alpasankhyak shikshan sansthan ayog adhiniyam, 2004 (2005 ka sankhyank 2) ki dhara-2(cha) ke adhin paribhashit alpasankhyak; (jha) "Alpasankhyak Sanstha" se abhipret hai vyavsayik shiksha de rahi aisi sanstha jo kisi alpasankhyak dwara sthapit tatha prashasit ki gayi ho; (nya) "Anivasi Bharatiya" ka wahi arth hoga jo aykar adhiniyam, 1961 (1961 ka 43) ki dhara 115-ga ke khand (g) mein uske liye diya gaya hai; (ta) "Anya Pichhade Varg" se abhipret hai, rajya sarkar dwara samay-samay par yathasanshodhit adhisuchana kramank F-85-25-4-84, tarikh 26 December, 1984 dwara yathavinirdisht nagrikon ke anya pichhade varg; (tha) "Sahayata na pane wali niji vyavsayik shikshan sanstha" se abhipret hai koi vyavsayik shikshan sanstha jo kisi rajya ya kendriya sarkar se avarti vittiya sahayata ya sahayata anudan prapt nahin kar rahi ho tatha jo kendriya sarkar, rajya sarkar ya kisi sarvajanik nikay dwara sthapit ya poshit nahin hai; (da) "Vyavsayik Pathyakram" se abhipret hai samuchit pradhikari dwara vyavsayik pathyakram ke roop mein adhisuchit adhyayan-pathyakram jaise upadhi, upadhi-patra ya praman patra chahe vah kisi bhi nam se gyat ho; (dha) "Vyavsayik Shikshan Sanstha" se abhipret hai vyavsayik shiksha pradan kar raha koi mahavidyalaya ya koi school ya koi sansthan, chahe vah kisi bhi nam se gyat ho, jo rajya ke kisi vishwavidyalaya se sanlagna ho, jismein rajya vidhan mandal ke adhiniyam dwara sthapit ya nigamit koi niji vishwavidyalaya ya vishwavidyalaya anudan ayog adhiniyam, 1956 (1956 ka sankhyank 3) ki dhara-3 ke adhin vishwavidyalaya hona samjhi gayi koi sangathak ikai sammilit hai aur jo vyavsayik shikshan ko viniyamit karne wale kisi saksham kanuni nikay dwara anumodit ya manyata prapt ho; (ana) "Arakshit Sthan" se abhipret hai anusuchit jatiyon, anusuchit janjatiyon tatha anya pichhade vargon ke vyaktiyon ke paksh mein arakshit kiye gaye sthan, jaisa ki rajya sarkar dwara adhisuchit kiya jaye; (ta) "Sweekrit Antargrahan" se abhipret aur vivakshit hai rajya sarkar dwara adhisuchit pradhikari dwara vyavsayik sanstha mein adhyayan ke pratyek pathyakram mein chhatron ke pravesh ke liye sweekrit sthanon ki kul sankhya; (tha) "Anusuchit Jati" se abhipret hai koi jati, moolvansh ya janjati athva jati, moolvansh ya janjati ka bhag ya usmein ka ayuth, jise sanvidhan ke anuchchhed 341 ke adhin Madhya Pradesh rajya ke sambandh mein anusuchit jatiyon ke roop mein vinirdisht kiya gaya hai; (da) "Anusuchit Janjati" se abhipret hai koi janjati ya janjati samuday athva aisi janjati ya janjati samuday ka bhag ya usmein ka ayuth, jise sanvidhan ke anuchchhed 342 ke adhin Madhya Pradesh rajya ke sambandh mein anusuchit janjatiyon ke roop mein vinirdisht kiya gaya hai.

(1) Rajya sarkar, rajpatra mein adhisuchana dwara, kisi vyavsayik shikshan sanstha mein pravesh prakriya ke paryavekshan tatha margdarshan ke liye sthanon tatha pravesh ke ichhuk abhyarthiyon se prabhavit ki jane wali fees ke nirdharan ke liye ek samiti gathit karegi jise Pravesh Tatha Fees Viniyamak Samiti kaha jayega. (2) Samiti ki adhyakshata sabhapati (Chairperson) dwara ki jayegi jo kisi kendriya vishwavidyalaya ya rajya vishwavidyalaya ya vishwavidyalaya samjhi gayi sanstha ka kulpati raha ho ya aisa varishth prashasnik adhikari raha ho jo rajya sarkar ke pramukh sachiv ya Bharat sarkar ke sanyukt sachiv ki padshreni se nyuna padshreni ka na ho aur iske antargat char anya sadasya honge jinhen vitt, prashasan ya vidhi, takniki shiksha tatha chikitsa shiksha ke mamlon mein visheshagyata hasil ho. (3) Samiti ka karyakal uske adhisuchit kiye jane ki tarikh se tin varsh ka hoga tatha kisi bhi karan se isse purv udbhoot hone wali kisi rikta ki dasha mein, rajya sarkar dwara karyakal ke shesh bhag ke liye aisi rikta bhari jayegi. (4) Samiti ka koi bhi kary ya karyakwahiyaan keval is karan avidhimanya nahin samjhi jayengi ki usmein koi rikta hai ya samiti ke gathan mein koi truti hai. (5) Koi vyakti, jo sahayata pane wali ya sahayata na pane wali niji shikshan sanstha se sanlagna hai samiti ka sadasya hone ke liye patra nahin hoga. (6) Samiti ka sabhapati (Chairperson) ya koi sadasya apne pad par nahin rahega yadi vah aisa koi kary karta hai jisse rajya sarkar ki raye mein uska samiti ka sabhapati ya sadasya ke roop mein bana rahna anupyukt ho gaya hai. (7) Samiti, rajya sarkar dwara is sambandh mein adhisuchit kiye gaye viniyamon ke anusar apni swayam ki prakriya nirdharit kar sakegi. (8) Samiti, sahayata pane wali ya sahayata na pane wali kisi niji vyavsayik shikshan sanstha se ya deemed vishwavidyalaya se vihit tarikh tak aisi jankari prastut karne ki apeksha kar sakegi jaisi ki samiti ko fees ka avadharan karne mein samarth banane ke liye avashyak ho, taisi ki pratyek vyavsayik pathyakram ke sambandh mein sanstha dwara prabhavit ki jayegi aur is prakar avadharit ki gayi fees, aisi kalavadhi ke liye vidhimanya hogi, jaisi ki rajya sarkar dwara adhisuchit ki jaye. (9) Samiti, ismein antarvisht upbandhon ke ullanghan mein pravesh, capitation fees ya avadharit ki gayi fees se adhik fees ke sangrahana ya kisi sanstha dwara labh prapt karne ke sambandh mein shikayaton ko sun sakegi aur yadi samiti janch ke pashchat yah pati hai ki sahayata na pane wale vyavsayik mahavidyalaya ya sanstha ki aur se pravesh ke upbandhon ka ullanghan kiya gaya hai, to vah sambandhit vyakti ko, sangrahit ki gayi adhik rakam ki wapasi ke liye samuchit anushansa karegi aur sarkar ko Rs. 10 Lakh tak ka jurmana adhiropit karne ke liye bhi anushansa karegi tatha sarkar aisi anushansa ki prapti par, pratyek aise ullanghan ki dasha mein jurmane ko nirdharit karegi aur use sangrahit karegi ya aisi anya karwai ke liye vinishchay karegi jaisa ki vah uchit samjhe aur is prakar niyat ki gayi rakam ml par byaj ke sath bhoo-rajasw ke bakaya ke taur par wasul ki jayegi aur samiti kisi vishesh mahavidyalaya ya sanstha mein kinhi ya samast sthanon ke sambandh mein diye gaye pravesh ko gunagun ke vipreet tatha avidhimanya ghoshit kar sakegi tatha sambandhit vishwavidyalaya ko isse san-suchit karegi tatha vishwavidyalaya, aisi sansuchna ki prapti par, aise abhyarthiyon ko pariksha mein upasthit hone se varjit karega evam purv mein di gayi pariksha ke parinam ko nirast kar dega. (10) Samiti ka, yadi yah samadhan ho jata hai ki kisi sahayata na pane wale vyavsayik mahavidyalaya ya sanstha ne is adhyadesh ke upbandhon mein se kisi upbandh ka ullanghan kiya hai, to vah rajya sarkar ke anumodan ke pashchat vishwavidyalaya ya samuchit pradhikari ko aise mahavidyalaya ya sanstha ki sanlagnta ya manyata wapas lene ke liye anushansa kar sakegi ya koi anya karwai karne ka vinishchay kar sakegi jaisa ki vah uchit samjhe. (11) Samiti ko, uske kriton ke nirwahan mein udbhoot hone wale samast mamlon mein apni swayam ki prakriya viniyamit karne ki shakti hogi aur is adhyadesh ke adhin koi janch karne ke prayojanon ke liye civil prakriya sanhita, 1908 (1908 ka 5) ke adhin nimnalikhit mamlon ke sambandh mein, jab vah kisi vad ka vicharan kar rahi ho, civil nyayalaya ki samast shaktiyan hongi: (ka) kisi sakshi ko summon karna tatha hajir karna tatha shapath par uski pariksha karna; (kha) kisi dastavez ka pradvidikaran aur pesh karne ki apeksha karna; (ga) shapath-patron par sakshya lena; (gha) sakshiyon ki pariksha ke liye commission jari karna. (12) Samiti yah sunishchit karegi ki kisi sanstha mein pravesh uchit aur pardarshi rit mein kiya gaya hai.

Kisi sahayata na pane wali niji vyavsayik shikshan sanstha mein pravesh ke liye patrata aisi hogi jaisa ki samuchit pradhikari dwara adhisuchit kiya jaye.

Sahayata na pane wali niji vyavsayik shikshan sanstha mein sweekrit antargrahan mein pravesh, samanya pravesh pariksha ke adhar par, aisi rit mein hoga jaisi ki rajya sarkar dwara vihit ki jaye.

Sahayata na pane wali niji vyavsayik shikshan sanstha mein pratyek pravesh, is adhyadesh ya uske adhin banaye gaye niyamon ke upbandhon ke anusar hoga aur iske ullanghan mein kiya gaya pratyek pravesh shunya hoga.

Bharat ke sanvidhan ke anuchchhed 30 ke khand (1) mein vinirdisht alpasankhyak shikshan sansthaon se bhinn sahayata na pane wali niji vyavsayik shikshan sanstha mein pravesh hetu anusuchit jatiyon, anusuchit janjatiyon aur nagrikon ke anya pichhade vargon ke vyaktiyon ke liye pravesh ke padze par sthanon ka arakshan kiya jayega jaisa ki rajya sarkar dwara vihit kiya jaye.

(1) Samiti, sahayata na pane wali niji vyavsayik shikshan sanstha dwara prabhavit ki jane wali fees, vihit ki gayi rit mein nimnalikhit ko dhyan mein rakhte hue avadharit karegi: (1) sahayata na pane wali niji vyavsayik shikshan sanstha ki avasthiti; (2) vyavsayik pathyakram ki prakriti; (3) bhoo-mi aur bhavan ka mulya; (4) uplabdh sanrachna, adhyapan, adhyapanetar karmachari-vrind aur upkaran; (5) prashasan tatha sandharan par vyay; (6) vyavsayik sanstha ki vriddhi aur vikas ke liye avashyak yuktiyukt adhikya; (7) koi anya sulsangat karak. (2) Samiti kisi fees ke nirdharan ke purv sanstha ko sunwai ka avsar degi: Parantu samiti dwara nirdharit ki gayi aisi koi fees, shiksha mein munafakhori ya uske vanijyikaran ke liye nahin hogi.

Rajya sarkar, ek samay mein ek varsh se anadhik varsh ke liye appeal pradhikari ko niyukt karegi jismein aisa vyakti, jo uchch nyayalaya ka nyayadhish raha ho ya aisa vyakti jo rajya ke mukhy sachiv ki padshreni se nyuna padshreni ka na ho, hoga, aur jiske samne rajya mein samiti ke adesh se vyathit koi vyakti ya vyavsayik sanstha aise adesh ke parit hone ke 30 din ki kalavadhi ke bhitar appeal kar sakegi.

Is adhyadesh ke upbandh, tat-samay pravritt kisi anya vidhi mein ya is adhyadesh se bhinn kisi vidhi ke adhar par prabhav rakhne wali kisi likhit mein antarvisht usse asangat kisi baat ke hote hue bhi prabhavi honge.

Rajya sarkar is adhyadesh ke prayojanon ko karyanvit karne ke liye adhisuchana dwara niyam bana sakegi.

(1) Rajya sarkar, rajpatra mein adhisuchana dwara, is adhyadesh aur uske adhin banaye gaye niyamon se sangat viniyam bana sakegi. (2) Vishisht-tah tatha purv-gami shaktiyon ki vyapakta par pratikul prabhav dale bina, aise viniyamon mein nimnalikhit vishayon mein se sabhi ya kisi vishay ke sambandh mein upbandh ho sakenge, arthath: (ka) samiti ka gathan evam kary aur nibandhan tatha shartein; (kha) vyavsayik sanstha mein pravesh ki patrata, pravesh ki rit aur sthanon ka avantan jismein videshi ya anivasi Bharatiya abhyarthiyon ke liye sthanon ka arakshan sammilit hai; (ga) kisi vyavsayik sanstha dwara abhyarthiyon par prabhavit ki jane wali fees ke nirdharan ki rit ya man-dand; (gha) vyavsayik shikshan sanstha dwara abhyarthiyon par prabhavit ki jane wali fees; (anga) koi anya vishay jo vihit kiya jana hai ya jo vihit kiye jaye.

Is adhyadesh ke adhin banaya gaya pratyek niyam, iske banaye jane ke pashchat, yathashakya-shighra vidhansabha ke samne rakha jayega.

(1) Yadi is adhyadesh ke upbandhon ko prabhavi karne mein koi kathinai udbhoot ho to rajya sarkar, is adhyadesh ke upbandhon se asangat na hone wali, rajpatra mein prakashit adesh dwara kathinai ko door kar sakegi: Parantu is adhyadesh ke prarambh se do varshon ki kalavadhi ki samapti ke pashchat, aisa koi adesh nahin kiya jayega. (2) Is dhara ke adhin kiya gaya pratyek adesh iske kiye jane ke pashchat yathashakya-shighra vidhansabha ke samne rakha jayega.

Is adhyadesh ke adhin sadbhavpurvak ki gayi ya ki jane ke liye aashayit kisi baat ke liye koi vad, abhiyojan ya anya vidhik karyawahi rajya sarkar ya appeal pradhikari athva samiti ke sabhapati (Chairperson) ya sadasyon ke viruddh nahin hogi.